चरिकोट(दीस)ः नेपाली काँग्रेसको भातृ संगठन नेपाल तरुण दलको बैतेश्वर गाउँपालिकाका तीन वडामा वडा अधिवेशन सम्पन्न भएको छ । उक्त अधिवेशन बुधवार सफलतापूर्वक सम्पन्न भएको हो । नेपाल तरुण दल, दोलखाका अनुसार, बैतेश्वर गाउँपालिका वडा नम्बर एक, दुई र तीनमा अधिवेशन सम्पन्न भएको थियो । वडा नम्बर एकको अध्यक्षमा सरोप पाख्रीन, वडा नम्बर दुईको अध्यक्षमा सुन्दर तामाङ र वडा नम्बर तीनको अध्यक्षमा मानबहादुर मोक्तान चयन हुनु भएको निर्वाचन समितिले जनाएको छ । नेपाल तरुण दलको केन्द्रीय निर्देशन अनुसार, कार्यतालिका सार्वजनिक गर्दै वडा अधिवेशनलाई व्यवस्थित रूपमा अगाडि बढाइएको छ । यस सम्बन्धमा नेपाल तरुण दल दोलखाका अध्यक्ष दावासाङ्गे शेर्पाले जानकारी दिनुभयो ।