चरिकोट (दीस) ः नेपाली कम्युनिस्ट पार्टी दोलखाले आफ्नो जिल्ला कार्यालय मंसिर १३ गते औपचारिक रुपमा उद्घाटन गर्ने भएको छ। सो अवसरमा पार्टीका अगुवा कार्यकर्तासँग भेला गरी कार्यालय उद्घाटन कार्यक्रम आयोजना गरिने जानकारी प्राप्त भएको छ।

पार्टी एकीकरणपछि पहिलोपटक आयोजना हुन लागेको यो कार्यक्रममा जिल्ला पार्टी कार्यालयको औपचारिक उद्घाटनसँगै अगुवा कार्यकर्ताको परिचयात्मक भेला पनि हुनेछ, नेत्रृत्वद्वारा जनाइएको छ।

कार्यक्रममा आयोजक समिति सदस्य, बागमती प्रदेश समिति सदस्य, सचिवालय सदस्य, गाउँपालिका समिति सदस्य, जिल्ला समिति सदस्य, प्रदेश परिषद् सदस्य, निर्वाचित वडा अध्यक्षहरू र मोर्चा संयोजकसहित पार्टीका अगुवा नेता तथा कार्यकर्ताहरूको सहभागिता रहने बताइएको छ।