चरिकोट(दीस)ः कालिञ्चोक गाउँपालिकाले पालिका भित्रका विद्यालयहरुको वेभसाइट निर्माण गरी हस्तान्तरण गरेको छ । शुक्रवार वेबसाइट सञ्चालन सम्बन्धी शिक्षकहरुलाई तालिम दिई एक एक वटा वेबसाइट हस्तान्तरण गरिएको हो । 
गाउँपालिका भित्रका माध्यमिक विद्यालयहरुलाई  वेबसाइट निर्माण गरी हस्तान्तरण गर्ने परियोजना अन्तर्गत शुक्रवार  हस्तान्तरण गरिएको कालिञ्चोक गाउँपालिका शिक्षा शाखाका प्रमुख  विष्णु आचार्यले जानकारी दिनु भयो । हस्तान्तरण कार्यक्रममा गाउँपालिका भित्रका १२ वटा विद्यालयका प्रतिनिधि शिक्षकहरुको उपस्थिति रहेका उहाँको भनाई रहेको छ । तालिममा वेबसाईटमा सामग्री अपलोड गर्ने तरिका सिकाईएको थियो । विद्यालयहरुलाई वेब साइट हस्तान्तरण भएपछि विद्यालयका  सूचना तथा   गतिविधिहरु प्रकाशन गर्न सहज हुने गाउँपालिकाको आशा छ ।